Дали си млад од источна Македонија со желба да бидеш креатор на содржина, видео креатор или раскажувач на приказни за социјални медиуми , желен/а да ги раскажеш нераскажаните приказни од твојата заедница? Дали сакаш твојата содржина да стана вирална и да поттикне промени? Тогаш пријави се на отворениот повик за млади креатори „Размолчени гласови: Нераскажените приказни од Источна Македонија!“
Види Вака во соработка со Goce.mk те поканува да се пријавиш за Размолчени гласови: Нераскажените приказни од Источна Македонија! Сакаш да научиш како да направиш вирална видео содржина за социјалните медиуми? Пријави се и научи ја формулата на Види Вака како до преку 20 милиони прегледи годишно на нивните видео приказни. Создавај соджина која носи влијание и промени и создади шанса за платен анганжман во Види Вака како млад креатор на содржина за социјалните мрежи.
Источна Македонија е регион богат со различни наративи, но често добива ограничено внимание од националните медиуми. Ние сакаме да го пополни тој јаз, опремувајќи ве вас младите со основните вештини да создадете приказни што ќе го запрат палецот на екранот и ќе го привлечат сечие внимание. Целта ни е да ја истакнеме отпорноста на заедницата, да ги покажеме добрите и не толку добрите приоказни и да ја промовираме одговорноста за подобрување на местото во кое живееме. Оваа иницијатива ќе го зајакнува учеството на младите во одлучувањето во каков град сакаат тие да живеат.
Кого бараме?
Бараме 20 високо мотивирани млади индивидуалци (на возраст од 18 до 28 години) за нашата прва група. Посебно ги охрабруваме апликациите од помалите и помалку застапени општини во Источна Македонија, вклучувајќи ги, но не ограничувајќи се на: Штип, Кочани, Виница, Радовиш, Берово, Делчево, Пехчево, Струмица, Пробиштип и Македонска Каменица. Ги охрабруваме апликациите од различно етничко и социо-економско потекло,
Право на пријавување имаат сите млади од источна Македонија на возраст од 18 до 28 години.
Развијте професионални вештини за креирање содржина: Станете вешти во видео раскажување приказни за социјланите мрежи кои предизвикуваат голема гледаност
Ќе истражувате, продуцирате и финализирате една кратка видео приказна. Твојата видео содржина преку објава на Види Вака и Goce.mk ќе допре го огромна публика.
Оваа сеопфатна програма користи комбиниран пристап на учење, кој вклучува флексибилни онлајн модули и интензивни сесии во живо: Онлајн обука за видео раскажување приказни, обука во живо и менторство во Штип: Учествувајте во интензивна дводневна обука со фокус на практична видео продукција, работа со камера, техники на интервјуирање и развивање на приказна во Штип. Ќе бидете водени од искусни ментори од Види Вака и Goce.mk. Три дневна обука за етичко создавање на содржина при осетливи настани и теми.
Развијте професионални вештини за креирање содржина: Станете вешти во видео раскажување приказни, мобилно известување, етичко раскажување и известување со свесност. Засилете го вашиот глас: Вашите продуцирани приказни ќе бидат објавени на платформите на Види Вака и Goce.mk, обезбедувајќи широк досег до публика.
Поттикнете вистинска општествена промена: Вашите придонеси директно ќе го зајакнат учеството на младите, граѓанскиот ангажман и медиумскиот плурализам промовирајќи одговорност во вашата заедница.
Добијте експертско менторство: Работете со посветен тим од искусни експерти во текот на вашето учење и продуцирање.
Патните трошоци, сместувањето и оброците за сите обуки во живо во Штип ќе бидат целосно покриени. Дополнително, ќе се обезбеди опрема за полесно и професионлано создавање на содржина. Секој учесник во програмата има шанса да стане дел од Види Вака и да биде ангажиран како креатор на содржина на социјалните мрежи.
Оваа активност се реализира од Фондацијата ИДЕА Југоисточна Европа, Види Вака и Гоце.мк.
Проектот „Размолчени гласови: Нераскажените приказни од Источна Македонија“ е поддржан од Кралството Холандија.